破關心得:
z -速速前
x-攻擊
c-控製物件
序章:
依個勁易玩，首先往我們的右手面走，跟住不斷跟住條路就ok了。
中途有怪打，用x攻擊就ok，d怪可以話勁廢。
衛斯理先生也會叫你們幫手，照指示就得。
第一章-黑魔法防禦術堂
又係勁易的一關
有兩課，都係跟捉穆迪的指示做就得。
要collect d野同打怪，可以學到幾招。
第二章-穆敵的挑戰
我爆了機也只解開了三個關卡...
要注意係每關只要玩到青銅也可以了，不用一定玩到金。
1. 用個唔知咩咒泥殺怪，依個咒語唔係就咁用x出，要一個player浮起隻怪，
另一個player用x打先有機會出到，計時
2.將d石放上個目標，要小心不要把石丟了出去
3.用大釜打爛d石像同牆，玩多幾次就一定可以拎到青銅
第三章-霍格華茲外側
今次就彈性d，要不斷重玩。
有三條路線，據說有10個盾要收集，我到爆機都未搵晒
(盾是用來pass關的，由依章起要收集一定數目的盾才可到下一關)
第一條係向下的樓梯走。
向下走一段樓梯就再向左行，有三舊大石，要三人聯合移動佢地，
依到勁考技巧，要將第一舊石移去牆邊，但係要注意唔可以貼實牆。
然後用第二舊石「踏」上去，依次就要將舊石貼住牆，形成樓梯咁樣﹐爬上去就有盾拎。
要注意第一舊石唔可以太近牆亦唔可以太離牆。
跟住繼續行樓梯向下走。
下面要用飄浮咒讓大釜撞爛牆。
中間有三座高台，撞唔爛，果陣你要爬上最近第一座(最近起點)，
要後用飄浮咒合力將隔離高台o既方型石搬落去。
再一齊將舊石搬去第三個高台果到，爬上去，就可以收集另一個盾。
之後向左走(途中有野噴火，唔好亂衝，滅火先)，
同一班噴火o既怪打之後，將所有可以滅火的地方都滅火，
有個攔杆就會冇左，你就可以用大釜打爛攔杆裏面條柱。
依到勁難打，你唔駛旨意響旁邊打佢，冇用的。
一定要小心控制個大釜由冇攔杆的地方進去，再打先有用。
個大釜一掂到攔杆就碎，好煩的。
下面o既路就告一段落，
返去起點，再向右行，有條好長o既路，直去。
中途會有分支，行落去。
又要一齊搬石，上到去之後有個游池，
中間有個盾，
你要用速速生將d荷葉打開，不過依個符咒要第七章先開到，所以到時先返泥拎。
行過個游池(有野噴火，小心)，
拉開個鐵閘，就會有盾拎。
依到又要搬石。。。。
首先右手面有舊石放高左，
搬佢落泥，踏去左手面有個台的上面。
跟住一齊滅火(一個人滅唔到)，
再爬上左手面的高台(求先有舊石搬左過去，所以一定夠高爬)
，拉條橋落泥，行過去另一高台，
會發現又有石，不過依舊基本上係冇用，
你小心d行去另一面好窄o既位，直行就有盾了。
返返去原本果條路(即係行去分支之前果條)
直行。
會有食童打，好容易，只要一路打一路行，好快就有個盾，
依個係我搵到o既最後一個(其實唔駛搵晒都夠你過關了)
第四章-禁忌森林
第一次玩o既話會有龍打，唔難。
禁忌森林最煩就係到到都差唔多樣，好難認，所以略略講下啦。
又係有三條main road，首先向前行，
有磨菇阻住就用泡泡莖去彈開佢。(<-煩！)
跟住有分支就隨你行，拎盾唔駛咩野技巧，跟住條路去就得。
中途會見到有方型石，認住佢，要搬舊石返起點，
因為起點右手面的盾要用舊石放響佢下面再爬上去拎。
第三條路(即係向左面走的)都唔難，
不過有2-3度要用速速生爬上去，遲d先拎
另外有一度係俾d好高o既植物擋住，我都唔知點過，唔好理佢了。
第五章-三巫鬥法大賽第一關:龍
玩依關好正....
只要小心撞地面或旁邊就行了
死了不要緊，可以從那一節繼續來。
會累加時間，也沒問題，反正青銅和金也是沒分別。
不過你真係在乎時間的話，就參考下吧:
分左三節，第一節最少障礙物，
要全程按c加速。
第二節就慢慢來吧，因為要穿過城堡，好易撞。
第三節就要小心洞口和火，
不要嘗試去穿過太近水面的加速圈，
隻龍會噴火去果到的。
第六關-級長的浴室
呢關最難就係好多怪，小心冇命。
所以最陰濕o既做法就係有補hp的就自己食晒，怪也留俾佢地打，自己開溜，反正同伴死唔緊要，佢地的命可以無限次重來。
一直向右走，有蒸氣阻住就拉開個噴口，
途中會遇上食童和噴火的東西。
另外也會有兩次機會被水管擋路，用大釜撞爛佢。
第二次的水管要從上方把大釜往下丟才撞得爛。
依個關最主要目的係拎金蛋，拎完後走人，
近出口時會有一大群食童，唔好打，直衝走人。
另外為左收集盾，要玩多幾次。
那些盾都集中在右面的路(要玩第二次先有)，
右面有3 (4?!)個盾，最大的障礙物係水蒸氣同路線，
頗迂迴的...
而且有幾個盾都要用上速速生，
慢慢吧～
第七章-藥草課
終於可以拎速速生了...
依一關首要目的係拎舊草，又係要不斷重玩去收集盾，依個係拎草的路線:
落左樓梯之後，去到一個空地，
向左行，
就會見到學速速生的課本。
之後行返去空地，繼續行，會去到一個溫室，
要用o岩o岩學的咒語打開荷葉，
途中會不斷有野來攻擊你，儘量躲，讓同伴打吧~
首先不斷用荷葉過對面，用泡泡莖打走d磨菇，
再返返轉頭，去到入口附近的一條樓梯走過去。
然後又會撞到兩隻爆尾釘蝦，
最好消滅佢o既方法係二人用咒語捉實佢，另一個就攻擊。
再行旁邊的樓梯，又有溫室。。。。
繼續唔知點行就穿過一個好大的室，
有d唔知咩下面有個盾，順便拎埋啦～
佢話要用大釜阻擋泉水，唔知佢想講咩。
其實係要用大釜不斷撞果個有點像吊燈的東西。
得到後由另一面樓梯落去，中途有怪打。
去到下面滅火，就拎到舊草了。
重玩拎盾:
依關有幾個盾拎，
首先你重玩會響爆尾釘蝦果塊空地附近開始。
入去，會有舊大方型石，爬過佢繼續走就會有盾。
第二個盾就係爆尾釘蝦果塊空地的樓梯上面。
有條樹幹，不過太高爬唔到，所以要用果塊方型石。
不過要搬塊方型石上去，就要先移開d阻住樓梯的石頭，
你一郁d石，中間就會有蜂走出泥，
大家要聯手移方型石就冇可能了，所以要用本來阻住樓梯的大石擋住個洞，
中途d蜂會不斷攻擊，所以要把握三個人都未被攻擊的時間去移石。
搞掂後再移方型石上去，爬上去樹幹後用速速生，就拎到盾。
第三、四個盾響求先條樓梯走上去的地方。
依兩個都好易拎，唔講了。
第八章-三巫鬥法大賽第二關: 湖
依關游得好漫.....又係計時，而且d滾帶落好煩.....
所以最好一路游一路亂咁攻擊.......
另外去到門前面，佢話叫你打爛d唔知咩野，
果到要打走晒四個角的水泡就過得了
第九章-三巫鬥法大實第三關:迷宮
依關非常令人頭痛.....首先，佢要求十一個盾先可以解開依一關...
當然....要靠自己找很難的......有攻略就不同了
成功後還有很頭痛的地方...
最初都還好，只要小心果d突然響地面冒出泥o既刺就ok，
唔好狂跑，否則有時候你唔知果到有刺，一衝埋去，佢又埋出泥，你就.......
跟住，就係周圍都一樣咁o既樣，成日行返轉頭都唔知....
之後去到某個地方會俾植物追住，要不斷跑，有分叉路亂行，
也要小心不要撞落d刺到，會減hp，死左就要重跑了......
以上都冇咩大問題，最煩就係要一個人對付兩隻爆尾釘蝦，而且身後還有一大堆有刺的植物。。。
首先，純粹攻擊對依種怪係冇用....
你要企埋牆，引佢地撞過泥，再響佢後面攻擊佢。
要注意，佢地行埋你身邊，企定之後你就即刻要閃，否則只會俾佢撞到正，
也要等佢地兩隻差唔多一齊撞暈左，先好發動攻擊，仲有一隻清醒都唔好attack住，攻擊果陣因為佢地暈左，所以可以放心行埋佢身後攻擊腹部(其他地方都會反彈咒語)，
另外，當佢地清醒過來時就有咁遠走咁遠，coz佢地會噴火的。
只要搞掂其中一隻就好辦了...
打佢地至緊要有耐性，要確保安全先好進行攻擊。
第十章-彿地魔
最後一關了...
首先voldemort會派骷髏打harry。
依d骷髏基本上係廢爆：行動慢、不能遠距離攻擊...
只要唔好俾佢地個樣嚇親就得...
依到要儘量省hp，被減了也要即刻食南瓜補hp，之後就冇機會食的了...
搞掂骷髏後，voldemort會同harry枝魔杖連埋，
依到重點係要控制條線中心有個彩色球體的東西，而不是控制harry
用球體亂撞一通......撞得爛的東西都撞爛吧....
依度仍要儘量省hp，不過已經沒機會補hp了
最後打雕像，
依個雕像會不斷追住harry撞，俾佢撞上兩三次就一定完蛋。
因為不能控制harry，所以還是不要避，努力用光球撞爛雕像吧....
依到勁難過...........說真的，過唔到也算吧...反正也再沒有新關了
＊＊＊＊＊嚴禁轉載＊＊＊＊＊
ｐ．ｓ．我用了一星期就爆關了(而且是在沒有攻略的情況下)，你呢？
0
